4 Marto 2010
Tiam ĉi mi volus, ke oni respondas al mi pri kia ili volas, ke “Unu blogo plu” estu.
Mi verŝajne ne daŭros blogadi nur filmetojn de YouTube. Laŭ mi tio ne estas blogado—tion traktas Google Buzz. (Sendu al mi retpoŝton, se vi volus ricevi tiujn ĝisdatigojn.)
Alivorte, kio interesas vin? Ĉu bibliaĵoj? Ĉu lingvaĵoj? Ĉu amuzaĵoj? Ĉu muzikaĵoj? Ĉu Teknologiaĵoj? Aŭ ĉu vi volas, ke mi daŭru montradi filmetojn?
26 Februaro 2010
Ĉu vi vizitas mian blogon ĉiusemajne—aŭ eĉ ĉiutage (aŭ pli ofte)—nur por eltrovi, se ia novaĵo legeblas? Se jes, vi malŝparas la tempon!
Se vi legas ion alian de la reto krom mia blogo, vi eble ekrigardu Google Reader. Ĉu vi iam rimarkis, ke iu ajn blogo estas nur aro de memstara blogeroj, kiuj estas markita per la dato kaj aranĝita en kategoriojn? Google Reader povas legigi tiujn memstarajn blogerojn, ĵus post ke ili alvenas. Nenio forpasos vin, kaj vi ne malŝparos la tempon per vizitadi ĉiujn viajn retejojn nur por ekscii, ke la plejparto ne ĝisdatiĝis.
Mi mem uzas Google Reader. Se vi havas Google-konton (kaj vi ja havas, se vi uzas Gmail), vi pretas por Google Reader. Se vi ne ankoraŭ havas Google-konton, ne zorgu—ĝi estas senkosta.
Estas facile aldoni retejon al Google Reader:
Se vi ne legas multe da blogoj, kaj tial vi ricevus nur po unu aŭ du ĝisdatiĝo en tago, Feed my inbox (‘Flui al mia ricevujo’) bone funkcias. Ĝi funkcias pli-malpli kiel Google Reader, sed ĝi sendas al vi retpoŝton, kiam ajn estas nova blogero.
Se vi iros al mia paĝo nomata Abonado, vi vidos diversajn metodojn, per kiuj vi povas aboni—ekzemple, se vi volas legi nur blogerojn el la ‘Humuraĵoj’ kategorio, aŭ se vi volas aboni al komentojn.
9 Februaro 2010
Lastsemajne mi legis blogeron, kiu traktis la ĝustan tradukon de Hebreoj 1,7 kaj la Malnova-Testamentan versiklo, kiun ĝi citas (Psalmo 104,4). La artikolo mem estas iom profunda, sed la ĉefcelo estis jen: la plejparto de anglaj tradukoj havas malĝustan senton de Hebreoj 1,7. Kaj la Malnova-Testamenta kaj la Nova-Testamenta teksteroj devus diri ion similan al “Kiu faras la ventojn Liaj senditoj, Flamantan fajron Liaj servantoj”.
Kvankam sole unu angla traduko estas ĝusta ĉi tie, laŭ la aŭtoro de la blogero, la Esperanta Biblio ankaŭ estas ĝusta!
Tio interesas min pro tio, ke lastsabate mi legis la Biblion laŭ mia norma plano. Mia Psalma tekstero enhavis Psalmo 104, kaj mia Nova-Testamenta tekstero enhavis Hebreoj 1. Tio igis min reiri al la blogo kaj legi ĝin pli zorge!
30 Januaro 2010
Krom se vi loĝadis en kaverno, vi nepre aŭdis pri la novega ilo de Apple: iPad. Kvankam tio estas unu el la plej troigita produktaĵoj—homoj antaŭumis ĝin dum jardekoj, eble pli ol la iPhone—iuj dubas la sukceson de iPad. Iu pensas, ke ĝi estos malsukcesego. Nur pro ke ili ne ĝin aĉetos.
Miaopine, la sola desapontiganto de la iPad estas, ke ĝi ne aĉeteblas antaŭ du aŭ tri monatoj. Mi pensas, ke tio malpliigos vendajn nombrojn—krom se Apple plibonigas ĝin antaŭ ĝia lanĉo (ekzemple, per havebligi iPhone OS 4.0).
Kial mi pensas, ke iPad sukcesegos? Jen du kialoj:
Mi seriozas. Tiuj estas du malsamaj kialoj, ĉar ili priskribas malsamajn partojn de la homaro.
La unua parto enhavas tiujn, kiuj ne bezonas ion krom retpoŝto, la interreto, muziko, bildoj, videoj kaj malmulta texttraktado. Ili volas nur pli-malpli malmultekosta ilo, kiu ne havas la nenecesaĵojn de tuta tekkomputilo. La ilo simplu kaj estu facile uzata. Ĝi bonege faru tion, kion oni volas, ke ĝi faru.
Tekkomputiletoj ne estas bona solvo. Tekkomputileto estas nur tekkomputilaĉo. Ĝi faras nur tion, kion faras norma tekkomputilo—malbone. Kontraŭe, iPad estas tute redesignita. Kvankam ĝi estas pli malmultekosta ol bona tekkomputilo, ĝi ne sole faras tion, kion oni volas, ke ĝi faras—ĝi faras ĝin pli bone ol iu alia ilo ajn. Kiel mi scias, iPad estas nekomparable bona por retumado, persona videospektado, bildmontrado kaj eble eĉ retpoŝto.
Jen tri kialoj, ke iPad estas pli bona ol tekkomputilo por tio, kion ĝi faras:
La alia homarparto estas tiuj, kiuj jam havas iMac aŭ iu alia surtabla komputilo. Ili ja volas fari ion pli ol legi retpoŝtmesaĝojn kaj elektronajn librojn kaj spekti filmojn kaj rigardi bildojn; sed ili jam fari tiujn per la komputilo. Ili ne bezonas tekkomputilon, kiu nur reestas iMac; ili volas ilon, kiu faras ion ajn kaj faras tion bone—por malpli da mono.
Iujn desapontiĝas iPad, ĉar ĝi ne estas tio, kion ili volis, ke ĝi estu. iPad ne (ankoraŭ) havas fotilon kaj mirindajn bild- kaj video-kreantajn aplikaĵojn—sed tio ne signifas, ke granda nombro da homoj pensos, ke ĝi estas la plej bona ilo por tio, kion tiuj volas fari. iPad estas ilo por spektantoj kaj legantoj, ne kreantoj; oni ne intencas, ke ĝi estu por kreantoj. Jes, iPad estas ludilo. Sed ĝi ne estas pli luduma ol iPod. Ĝi ne estas senutila nur pro tio, ke oni ne kalkultabelumos per ĝi.
Ĉiuokaze, mi volas iri al la Apple-vendejo marte por nur enhavi ĝin en la manoj. Mi ne aĉetos ĝin, ĉar nune mi ne havas uzon por ĝi (mi ne havas eĉ propran komputilon nuntempe!) sed mi pensas, ke ĝi estas bonega ilo, kaj ke grandega nombro da homoj ĝin ŝategos.
16 Januaro 2010
Unu el la plej bonaj filmmuzikkomponistoj estas la itala muzikisto Ennio Morricone. Jen unu el lia komponaĵoj (verkita por la filmo «La misio»), ludita je 2007 ĉe la UN ĉefejo:
Se vi ĝuis tion, vi verŝajne ŝatus la muzikalbumon de muziko de Morricone, ludita de la violonĉelisto Yo-Yo Ma. Ĝi enhavas la muzikon de kelkaj filmoj de Morricone, reskribita por violonĉelo kaj orkestro, kaj estas unu el la muzikalbumojn, kiujn mi plej ŝatas. Vi povas aŭskulti ĝin malsupre.
1 Januaro 2010
Unu el la vortoj, kiujn mi plej ŝatas, estas la vorto “arbitrara”. Mi ŝatas la vorton, ne pro ĝia historio aŭ elparolo aŭ io simila al tio; mi ŝatas la vorton, ĉar ĝi estas nekredeble utila.
Nu, festi la novan jaron je la 1‑a de januaro estas tute arbitrare; sed pro ke multege da homoj tion faras, mi supozas, ke mi ankaŭ diru “Feliĉan novjaron!” je tiu dato.
Esperanto
Nederlands 
English 
